Þessa uppskrift fékk ég hjá henni Lilju sem bjó í kjallaranum á Leifsgötunni þegar ég bjó þar. Hún gerði hana alltaf í eldfast mót en ég set hana í kökuform.

150 gr. smjör
150 gr. siríus súkkulaði
3 egg
2 dl. sykur
1 dl. hveiti
100 gr. heslihnetur fínt malaðar (má sleppa)

Bræðið smjör og súkkulaði í vatnsbaði. Þeytið egg og sykur saman og bætið svo smjörinu og súkkulaðinu saman við þegar það hefur kólnað aðeins. Setjið hveitið og hneturnar varlega í lokin með hræru.

Smyrjið og sáldrið hveiti í tertuform. (Ég nota yfirleitt springform) Bakið við 180° í ca. 35 mín.

Linda | 12. apríl, 2008 kl. 17:01 | Uppskriftir | RSS 2.0
You can leave a response, or trackback from your own site.